الثلاثاء، 10 يناير، 2012

التلفزة الأوطى نيّة




 ماشي في بالي رميت السلاح وما عادش يهمني الي يصير في بلاد الأرياح، في بالي ما عادش بش نتبّع، لا عاد نرى ولا نسمع.. أما الريحة المنتنة وصلتلي وفي خشمي ضربتني.. ريحة الضمير الميت واللا مسؤولية، ريحة الكذب والغشّة وال   %0 مصداقية، ريحة الخيانة واللا وطنية والتعتيم الإعلامي وقت جانا إسماعيل هنية، برا يعطيكم شكيّة خليتونا فضيحة قدام الناس جملية، أخبار بلادي نراهم في الفايسبوك ؟ يا إعلام العار يراك مهلوك، برا أخلط على بوك ويزي من شريان الشبوك. في عوض تسترجل وتجي للثنية، تنسينا في كالأفلام سيئة الذكر و الإخراج شوية، أنت مزلت مكمل هي هي في سياستك الصهيونية ..

شديت روحي قبل، قلت يكذبوا ولا يزمرو مازلنا نعيشو في لحظات تاريخية من نوع "هرمنا"، أما المرة هاذي بش نتكلم وتعرفوني مانيش نفلّم، من عمناول للسنة والتلفزة الأوطى نيّة (معناها نيّتها واطية وفي رواية أخرى مقعمزة) تصور في فيلم من تأليفها وتلفيقها وإخراجها عمناول بدات تصوّر في الجنوب ناحية بن قردان و تنقلت في التراب التونسي حتى وصلت لسجنان، الفيلم اسمو : يا تونس كم أنت أفغانستان من بنزرت لبن قردان. الغريب في الأمر أنو الفيلم هذا تم تصويرو بتمويل من الشعب التونسي وفي عوض يكون من النوع الوثائقي الي يحكي على مشاكل التونسي هوما عملولنا فيلم ماسط من نوع  science fiction

أما الحمد لله شباب الفايسبوك واليوتيوب ديما بالمرصاد، خلي الأوطى نيّة في الماء العكر تصطاد، تفرجو معايا في اللي صار في البلاد، اسمعو آش تقول العباد، بش تسمعو الي يصلي والي يسكر، بش تراو الصغار تتناقز قدام الكاميرا، تضحك ما على بالهاش بالكبار، بالأصفار، بلي يكذبو عالشعب ليل مع نهار،   بش تراو التونسي الذكي الي ماعاد حتى واحد يعديها عليه.

لعنة الله على كل كذاب سفيه و عالجبناء تفيه !

زغردو يا نساوين !

  
PS. je suis encore choquée, marquée par les séquelles de Ben Ali, je n'arrive toujours pas à regarder les infos de 20 h, à quoi bon d'ailleurs ? Que de mensonges et de rumeurs. Je vous laisse donc avec ce cadeau, souvenez-vous, du pur bonheur ! :)

هناك 6 تعليقات:

  1. الراجل صوابعه مكسّرة و مقصوصة و ناس احتجزت و انتي مازلت تبرّر؟

    ردحذف
  2. ey :)

    https://www.facebook.com/photo.php?fbid=286558544726400&set=a.178450062203916.41035.178350688880520&type=1&ref=nf

    ردحذف
  3. ممتااااااااااز

    bravoo! j'ai adoré!!

    ردحذف
  4. Oh merci ma soeur, tu me gates ! :D

    ردحذف