الأربعاء، 5 أكتوبر، 2011

جانا الضو، جانا الماء .. وجاتنا قلة الحياء




بسم الله الرحمان الرحيم، أعوذ بالله من الشيطان الرجيم، ما يزيش 5 سوايع نوم وزيد صبحنا صباح الخير .. أ نعم ؟ شيخرف السيد هذا متع نقمة وذني؟ نعم ؟ الشريعة شنية؟ واشية؟ بدعة؟ الشريعة بدعة؟ تي أنت هو البدعة، أنت وأمثالك أكبر بدعة في حياتي، ما قريتكمش في الكتاب وما سمعت بيكم في حتى كتاب ولو كان ما ريتكمش بعينيا راني قلت عقلي غاب، أما الشي هبط عليا كالعقاب.



ولُخرى فاش تحكي؟ أسلحة دمار شامل؟ مزلت لغادي؟ تي ماو فصلها عاد بوش وقالك في العراق؟ آآآ حقا طلع يكذب ويفشلم مساكن  جماعة أبو غريب وملايين القتلى والجرحى والمتشردين والمعاقين والي إلى يومنا هذا مازالو مستعمرين خسر عليهم : "غلطوني، مبارك قالي راو صدام يخبي في السلاح المدمر القذافي"

أي مالا وين طلعو أسلحة الدمار الشامل؟ في النيلسات؟ يزي بلا كلام؟ شنية؟ في القنوات الدينية؟ أي بلحق ما يحشموش نهار الكل وهوما ما عندهم حديث كان على الله والنبي، ويغسلوا في عقول الناس ويعلموا فيها في الخماج كمشة خُماج، جايين مالصحراء يجيو يقولو صحة يقولوا سداف، هلكولنا الشبيبة، علموهم الحجاب والصلاة عباولنا المساجد ورصاتلنا كل نهار جمعة معطلين.. يا حسرة على زين الهاربين، كان عامل فيهم شاطح باطح هالكمشة إرهابيين.

بالرسمي عندك الحق من ناحية دمار شامل دمار شامل ان شاء الله يشملكم الكل فردا فردا، نسر نسر، قرد قرد إلى آخر التشكيلة متع البلفيدير à propos  وينو حميدو؟ تي بابا عزيزي محمد الطالبي اي اي أكالشيوبة الي نهار لكل يتجلطم على أسيادو من نهارة الي قال أكل كلمة الي قد راس نادية الفاني عالهواء مباشرة ما عاودتش سمعتو، برجولية توحشتو عندو صفة humour noir ياحباني كيما يقولو أخوتنا في الساحل.


تي أف تي شنوة تو؟ مازال الاستعراض؟ ال 10 متع الصباح مزالت وأنا لعجبات السبعة ريتها ؟ السبسي يتشخلع في أمريكا متخبي بأوباما وقاللكم اسمعوا راني فخار زمان مازلت نصلح تي أعطيوني حتى بلاصة الوزير الأول ما نقولش لا، أنا تلميذ بورقيبة النجيب الشايبي (عرفتوه بورقيبة؟ أكلي علم الناس تغسل سنيها ..) ما نتحلحز من بلاصتي كان للقبر ماو تعرفوا قال تعالى إنا لله وإنا إليه راجعون..

أما هذا الكلو كوم وهالغلبة هاذي كوم آخر قالوا Gay parade

عقاب عمرك يا تونس يا متع  القيروان عاصمة الأغالبة، يا مؤسسة أول جامعة إسلامية، يا عربية يا زيتونية .. يحبو يدنسوك ويغفصوك ويردسوك ويمسخوك، يحبو يستعمروك أكثر ماك مستعمرة، الأرض الي مشاو عليها الصحابة و والتابعيين والأولياء والصالحين آخر ما لاخر بش تحتضن مسيرة استعراضية للشواذ، جانا الضو جانا الماء، جاتنا قلة الحياء هاهي زغردي يا عزوزة، أراحي جاي ولدك الي عرض صدرو للكرتوش، بنتك الي ضربوها ومرمدوها، جا النهار الي بش يكرموها، ثورة الكرامة والحرية، ثورة البطالة والعدالة الاجتماعية أهية



شوفو أكل المراول

شوفو كالميوعة والاستفزاز

يحبو عالتسامح ويشعلو في النار، كمشة همال .. الشاذ مريض مسكين يسخف، ما ختارش روحو هكاكة وه، سيبوه وإذا كان يحب يعرس براجل كيفو نهار آخر ياخي العرس حرام؟ ياخي الثورة علاش قامت مش على حقوق الإنسان؟ شبيه الشاذ ياخي عندكم حيوان؟ يزيو ماخيبكم ما أقصح قلوبكم هكاكة تقولو ؟ تو يمشي يقتل روحو مسكين؟ ولا يشكي بيكم للمسامح كريم؟ تي شبيكم مسكرين ماكمش in ؟

وإذا كان حب يعرس ويستبنى طفل؟ وإذا كان هو راجل ويحب يمكيج ويلبس روبة وه؟ وكي أنا نحب نخرج عريان؟ ياخي أنا في تونس ولا في أفغانستان؟ أقعدو تبعو في اللحي والريوس لمربطة، ما تعرفوش la tolérance pas du tout.  أحنا ديننا دين يسر وتسامح وربي بش يحاسبهم مش أنتم.............

تي سكر عليا فمك من أنتم؟ مسلمين ولا في دينكم مسَلمين، مستسلمين، متعلمنين، وقلة لحياء متعلمين، معتنقين دين الي ما عندوش دين، معنقين الحداثة مكبشين، لا ملة لا دين، ما تخافوش رب العالمين الي قال وإن عصيتم فاستتروا مش أخرجو أعملو سرك للمرضى و "المجانين"، مش افضحو رواحكم من بنزرت ال تطاوين، مش بش تردوها حاجة عادية براو يعطيكم شكية، شلكتوها البلاد ميعتوها القضية، حسبي الله ونعم الوكيل فيكم أخرجو عليا، تونس للجميع والي مريض يمشي يداوي، الي مريض يمشي يداوي، الي "مريض" يمشي يداوي... نجم نكمل هكة للصباح، قالك إذا حبوك ارتاح.. وأنا حبيت.. الحياء وكي ريتكم استحييت، احيييييت أحييت ..أخيت ما أخيب ريحتكم أفيت .. يا تونس عمري ما ريت!

وعمري ما سمعت بشاذ كسرولو كرهبتو ولا بواحد قتلوه ضربوه مالتالي ولا غدروه، عمري ما سمعت بوحدة قتلت روحها مالقهر والكبت ولا ماتت بغصتها ودموعها، مالا لواش تحبو تخرجولنا كي سرك عمار شنية هالمسيرة الاستعراضية j'en ai marre، شنوة هالدُمار؟  شنوة تحبو تستعرضو بالضبط؟ قلة الحياء والكفر ؟ المجاهرة بالفسق شوفوني قداش بطل؟ الله لا يوريهولكم أكالنهار !

راسي كسرتوهولي ومرة أخرى مش أنتم الي تنرفزوني ولا نحسكم ولا يهمني فيكم، أما الي يهبلوني ويفرطسوني هوما هالمسلمين المستسلمين متع آخر زمان، يا وخياني قداش هبطت عليهم الإنسانية والديمقراطية وحب الإنسان و .. ساعات الحيوان، الحيوان الي يحب يخرج مالزريبة متاعو ويمسخلنا لبلاد والعقليات والعباد ويراووه ولادنا الصغار والكبار ويشملهم سلاح الدمار... الشامل الحقيقي ألا وهو : ربي مش عاملينلو حساب، عاود مالأول وجديد وانس الي قريتو في الكتاب .. وانس ربي شقال فكالكتاب ..

شتان ما بين العاصي والفاسق، العاصي يستتر والفاسق يعصي الله جهارا

نقولها ونعاودها:
  
 
تميم أنشد قائلا : سئمَت بلاد المسلمين ملوكها.. فجدوا بلادا للملوك سواها و أنا أستعير كلماته فأقول: سئمَت بلاد التونسيين جحودها فجدوا بلادا للفسوق سواها!

هناك 12 تعليقًا:

  1. très bien écrit chèy yfarhid amma ertèh w raas okhti c une polémique sur facebook qu ils cherchent car ils savent bien que la société est vraiment hostile aux homosexuels et notre législation prohibe l homosexualité qui est un délit d une peine qui va jusqu à trois ans de prison donc je t assure ils ne feront aucune marche ils se feront inculpés de la police et surtout de la gioventu w yèklou trèha nabbèch likbour cette association si elle a annoncé la promotion de la situation des homosexuels entre ces objectifs annoncés mtèhha on doit poursuivre le ministère de l intérieur en justice

    ردحذف
  2. اطّلعت عليه

    ردحذف
  3. ورد في كتاب الأمر بالمعروف والنهي عن المنكر لابن أبي الدنيا الحديث التالي : (بلغني، أن ملكا، أمر أن يخسف بقرية، فقال: يا رب! فيها فلان العابد، فأوحى الله إليه: أن به فابدأ، فإنه لم يتمعر وجهه فيَّ ساعة قط).
    ضعف العلماء هذا الحديث ولكن الشاهد : إن لم يغضب المسلم لمحارم الله وهي تنتهك جهاراً نهاراً فمتى ؟

    ردحذف
  4. ههههه .. طيارة :)))

    ردحذف
  5. a7san ma fih etitre mte3ou mawzoun et tt...

    ردحذف
  6. @ Guyguoz : merci soeurette, ils méritent pas vraiment mon intérêt ces guignols mais je me suis dit que même si leur plan est voué à l'échec, le fait même qu'ils y ont pensé et qu'ils l'ont annoncé est suffisant pour les dénoncer, il faut plus se laisser faire par ces gens là, ni négliger leurs "actions", faut toujours les condamner 3ala ri7et el ri7a :) d'autant plus que la législation et tout le système du pays va changer inchAllah .. vers le mieux, on l'espère et on agit :)

    ردحذف
  7. @ el talbi : merci d'avoir exaucé mon "voeu" :D

    @ islam_ayeh : tout à fait


    أخي في الله
    أخبرني متى تغضبْ ؟

    إذا انتهكت محارمنا

    إذا نُسفت معالمنا ولم تغضبْ

    إذا قُتلت شهامتنا إذا ديست كرامتنا

    إذا قامت قيامتنا ولم تغضبْ

    فأخبرني متى تغضبْ ؟

    ردحذف
  8. @ Anonyme : merciii :)

    @ lili : tayara ettir :p thanks sis' :))

    @ Kara : un big loool merci :D

    ردحذف
  9. ya3tik essaha ya imen ama vraiment chay yahmass eli sayar fi nekma! amina

    ردحذف
  10. bravo excellent article

    ردحذف
  11. @ Amina : mat5afech na7nou lahom bel merssad, lan yamorrou :D

    @ Anonyme : mercii :)

    ردحذف