حكاية 3 جمعات لتالي وقفت نسنى في تاكسي .. هكاكة وجا واحد قدامي لكني استرجلت وخليتو لمرا واقفة عندها برشة شكاير مونوبري بحذاها وزيد هي كانت موجودة قبلي .. رغم أني كان ما نشدس تاكسي بالوقت بش ترصيلي نتعطل، نوصل لبنزرت نلقى القنطرة تهزت .. قنطرة؟ تهزت؟ آه بالنسبة للضعاف في الجغرافيا بنزرت هي أكل الولاية الي تجي في أقصى شمال إفريقيا وأكثر المدن داخلية في المدن الساحلية. معناها بالعربي تزيد على قفصة وسيدي بوزيد بالصبر، الدولة مهملتها وما عاملتلها حتى اعتبار، هوكة قاعدة عسكرية على شوية معامل وهز يدك مالطبق لا تتحرق، تبعد على قلب المدينة 20/15 كيلو تلقى الناس عايشة بطرق بدائية والصغار يضربو 7 كيلو على سقيهم بش يوصلو للمكتب .. بنزرت هي كالمدينة الي كبشو فيها لفرانسيس وفي جرة الركاكة متاحم بن علي يجي يعفس ويردس فينا كل 15 أكتوبر..
بنزرت بش تدخللها يلزمك تتعدى عالقنطرة الي تتهز مرتين في طمبك النهار والقايلة ومرة في الليل بش البطوات الكبار يتعداو .. الله غالب بنزرت هواها شمالي شلوق كان جات اللوطة شوية عاليمين راو خسرو عليها قنطرة صحيحة وعالية أما ... حرام فيها خلي شعبها يتشنق من شوافر عينيه ويمرض بالدم والسكر على بكري
أيا سيدي المرا استرجلت معايا بدورها طلعنا فرد ثنية وركبتني معاها ربي يباركلها .. وبدات تحكي عالانتخابات .. قتلك يا سيدي بن سيدي هاذي الكل مسرحية والي أمريكا مسطرة كل شي من قبل وأتو تشوف.. هي تحكي وأنا ساكتة خاصة أنو التاكسيست جاي من صفها .. لا فايدة بش نكسر راسي مع الشعب التونسي البهيم (ماو طلع بهيم في اللخر) .. فما راعني إلا أنو السيدة الكريمة تصيح بأعلى صوتها "والله ثم والله أمريكا هي الي تقرر" وقتها عاد ترشقت من جنابي قلتلها لا عاد ما تحلفش بالله، لا يعلم الغيب إلا الله .. ودخل فيا التاكسيست.. برااا قاللك من مصادر موثوقة .. تبالعربي مالداخلية قالك لا نهضة لا سيدي .. كل شي تقرر والانتخابات إٌشاعة .. تصويرة .. بردت دمي وقتلو باهي شكون باش يشدها البلاد تره؟
- قالو كمال مرجان
-كمال مرجان؟ والله اللما تقوم ثورة 2
- صلي عالنبي قالو ثورة 2
حاصيلو كان سبيت الجلالة (اللطف عليا) راو ما شعلش فيا أكل الشعلة قالو صلي عالنبي .. صلى الله عليه وسلم .. ريتني كفرت؟
هههه
وأخيرا وصلت ال محطة باب سعدون التعيسة.. عمري ما فرحت بمنظر اللوواجات والطبعة والوسوخة كيما وقتها .. بصراحة في الهم ما تختار كسرولي راسي بالسيناريو لمسود لملود متاحم في الراجحي صاحب خويا وكلامو صحيح، في البلاد بش تتقلب، لا انتخابات لا سيدي، لكلها تمثيلية... سبحان ربي دخلو في علم الغيب ولا بالك البلاد مسيبة هي قاتلو أمريكا ههه ويني أمريكا اليوم؟ تجي تعرض للهاشمي الحامدي تره ههه
برا يا زمان ويجا يا زمان (مش برشة لحكاية لكل أقل مالشهر أما للحبكة القصصية) 4 أيام قبل الانتخابات وأنا الأرض مش سايعتني ونسسنى بالدقيقة والدرج في نهار الأحد نحب نحني في عرس بلادي .. كي كل التوانسة البهايم بش نموت بالفرحة ... وأخيرا جا اليوم الموعود .. صبحنا صباح الخير .. نسمع في الجارة تحكي مع جارتها (مانيش نتلصص أما الشبابك محلولة والأصوات عالية تبارك الله) قالتلها بش نصوت للنهضة، تنطق جارتي العزيزة تقوللها : النهضة؟ أما نهضة هاكي قتلك المرا تقعد في الدار والراجل يخدم.. ما ريتش اش صار في الجزائر؟
وين تلقاني .. نضحك ولا نبكي ؟ تي أنت جهدك طايح تخدم في الديار وسي السيد يقبض الفلوس وبعد ... نسكت خير.. تي شنوة هالبوست الهايل الي شادتو وهالشهرية القوية الي تاخو فيها بش تخاف عليها؟ .. قالك اخدم يا تاعس على هاك الراقد الناعس .. وزيد الي تحكي فيه غالط .. أما ما نلومش عليها جارتي هاذي مرا مناضلة ومفوحة الحومة وفوق هذا ودون تونسية والتونسي كيما تعرفو(اسسنى ليوم قدا عنا في الشهر؟ آه سي بون فتنا le 23) بهيم بطبعه .. ما نلومش عليها .. هي عالأقل ما كملتش قرايتها أما ابك عالنقبة المثقفة جماعة ناري عليك يا تونس ... ناري على فلوسكم الي مشات حرام هههه
إِنَّ الَّذِينَ كَفَرُوا يُنْفِقُونَ أَمْوَالَهُمْ لِيَصُدُّوا عَنْ سَبِيلِ اللَّهِ فَسَيُنْفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ
أيا سيدي مشيت أنا وأمي وأختي نلقاو صف للنساء وصف للرجال .. هاو بدا التخلف والبهامة مازالو ما شدوش الحكم وبداو يحزرو علينا .. بفف .. أحنا هكاكة وجاتنا جارة قديمة تسلم .. فرحت بيها عالأخر كيفاش جاية تنتخب فما راعني إلا أنها قتلي ما نعرفش نقرا .. وه ؟ ما تعرفش تقرا وتكتب ؟ مالا كيفاش بش تنتخب؟ قتلي تو نحط وين يجي ههههه أي راسي الي خلاتو السخانة كملتهولي هاذي .. هاهي كي أنت أمية لواش جاية تنتخب راني بش نقوم ننتحب .. قلتلها كي تدخل قلهم ما نعرفش نقرا أكيد تو يدخلو معاك شكون .. مسكينة قداش طلعت على نيتي .. تونس البهيمة ما قراتش حسابها في الناس هذوما ... دخلت المرا رشمت وين يجي وخرجت ههه وما قالتلهم شي واثقة من روحها ..
أنا بصراحة فديت هبلت قلت يا والله حال مرا ما تفوتش الخمسين سنة في 2011 ما تعرفش تقرا وتكتب؟ وزيد ما تعرفش الأحزاب وما تفهم شي كان قعدت في الدار خير. يعني ظلمات فوق ظلمات .. جاية ترشم تقول في البروموسبور .. انت وزهرك .. ومنها حاولت نبرد دمي قلت برا هوكة بش نعرفو شكون صوت للقطب ومشتقاتو ههه
طال الانتظار وصارت بعض التجاوزات .. عاليمين .. ناس ادوبل عليك وتمشي لأول الصف ونورمال .. قالك شعب تونس بهيم .. لا محالة مش برشة عملوها وحدة ولا ثنين .. دخلت أخيرا وأنا نشد في ضحكتي بالسيف (مريضة بالسعادة) بلحست صبعي بالأزرق ودخلت للخلوة و ملكثر الفرحة والارتباك استعملت الستيلو الموجود وقعدت نثبت ونزيد ونغمق في القاطع والمقطوع .. أي أنا بهيمة وأنتمي للشعب التونسي المسطك صوتت للنهضة وتعرضولي ههه
واستنينا .. وبدات تطلع النتائج .. وبدا الشعب التونسي يظهر على حقيقتو : ماو قالو الشعب التونسي العظيم .. المعجزة، المسالم، الواعي المتحضر الذكي القدوة ....... تو ولى اسمو شعب بهيم أما غير كانو ينافقو فيه قبل الانتخابات .. قالك بوس الكلب من فمو حتى تقضي حاجتك منو .. هاذي هيا فلوس وكسكروتات وحالة وفي اللخر هالشعب التونسي المسطك المتخلف يمشي ينتخب النهضة .. وزيد على مرمتنا العريضة .. حاصيلو ردوهالنا الجماهيرية التونسية البهيمة .. القذافي مات .. عاش القذافي .. والي خلى راجل ما ماتش هههه
وبداو عاد les philosophes des lumières يظهرو على حقيقتهم كيما كانو جدودهم الفرانسيس يحكيو عالسود .. خرجولنا بعض أزلام النظام البائد وبداو يسبو في الشعب .. كيما المنافقة الكبيرة ألفة يوسف قتلك
La démocratie des incultes est la dictature de la populace...
أما سي بون سلكتها ألفة خاطر شعب الجماهيرية الهاشمية الحامدية ما يفهمش بالفغنسي ..
تحب نحكيلكم شوية عالبهامة؟ البهامة هي أنو تبهت في نجاح النهضة في حين كل المؤشرات كانت تدل على ذلك.
.
البهامة هي أنو تجيني وحدة تقلي انتخبت التكتل خاطر فيه حوتة وأنا برجي بالحوت ههه
البهامة هي أنو مواطن تونسي كيما راشد الغنوشي يمشي ينتخب ويخرج بصبعو أزرق والشعب الجاهل بو بلوطة يعرضلو ب ديغاج .. هاو التخلف .. قالو تسامح وحرية وديمقراطية .. طلعتو ياسر ضعاف في مادة الروح الرياضية
وزيد البهامة قالك حتى هو جاي يصوت في المنزه 6 .. يصوت غادي خاطر يسكن غادي يا سطوكو
وشفتو المرا قتلو حتى تكبر وتولي راجل .. حقيقة من الحب ما قتل ومن الكره ما أعمى وأصم .. الناس كذبت كذبة وصدقتها هه المرا تحكي مع طفل صغير .. يمكن قاللها نحب ننتخب قتلو حتى تكبر وتولي راجل .. أما الشعب البهيم المريض نفسانيا يردها قالتها للسيد راشد الغنوشي à propos هاكا قتال الأرواح .. .. شمزال يعمل ؟ شبي ما رماووهش في الحبس ولا عالأقل قدمو بيه قضية.. وينهم عايلات الضحايا متع أحداث باب سويقة والجمعيات متع حقوق الإنسان والرفق بالحيوان؟ تي فرصتهم بعد الثورة لا يزي الراجل جاهم بسقيه وزيد اعترف الي النهضة مسؤولة علي صار .. يا ولا دُمار.
بعد رؤية الهلال يبدو أن الشعب التونسي طلع بهيم .. وأنا يسعدني أن أنتمي للأغلبية البهيمة خاطرها عكس الأغلبية الصامتة هي أغلبية ساحقة هبطت عليكم صاعقة .. وكان جيتو بهايم كيفنا راكم نحيتو الغشاوة الي على عينيكم وغزرتو للواقع وحضرتو رواحكم لنتائج الانتخابات، قمتو تبكيو عاملين فيها يا نربح يا نحرم، لعب ذري ولى هه الشعب قال كلمتو وميهاش صدفة أنو النهضة تجي لولى في تونس وفي الخارج خاطر التونسي بأصلو وما ينساش وبالنسبة للعريضة هاذيكة كف لينا الكل بش نتعلمو نتلهاو بالمناطق الداخلية الي حتى شي ما تبدل في الواقع المرير متاعها بعد الثورة .. جماعة سيدي بوزيد صوتو لولد بلادهم apparemment حتى التجوع خذا فينا باي.
على كل طولت عليكم و في الختام نخليكم مع هذه الكلمات الرائعة الي قريتها في الفايسبوك والسلام.
17 جانفي .... دخلتوا البلاد في حيط خلونا نخدمو
القصبة 1 ... كانو ضد وقالك جبورة ومن ورا البلايك
القصبة 2... كانوا ضد وعملو القبة
محاولة القصبة 3 في أفريل ... كانوا ضد وقالك يستاهلوا فتقوهم البوليسية
اعتصام المصير .. ضد
طالبنا باستقلال القضاء ومحاسبة القتلة ، تطهير الداخلية، اسقاط النظام وتفتقنا غاز ومتراك وهوما شامتين
هوما طالبوا باللائكية ونظموا مسيرات لا للعنف بحماية البوليس
محاولة القصبة 3 15 جويلية ... كانوا ضد وتشمتوا فينا وفلي تضرب واللي تشد وسبونا
15 أوت .. مسيرة استقلال القضاء, كانوا ضد ونظموا مسيرة موازية لشتيت الرأي العام
انتم اللي هلكتوا الثورة ، انتم اللي ما خممتوا كان في مصلحتكم ، انتم اللي ما تتكلموا
الا ما تحسوا بالخوف على شيختكم والزوالي بول عليه
انتم اللي ضيعتونا بالقضابا الحانبيه اللي طرحتوها
انتم اللي ما تعرفوش شنية ثورة
انتم اللي عندكم تونس تبدأ في النصر وتوفى في المنزه
انتم اللي ما تعرفوش شنية زوالي شنية ميزيريا
PS. أعول على بهامة القارئ بش يفهم أين مواضع البهامة في هذه التدوينة خاصة وأنو كلمة بهامة في قاموسي تعني الجهل سواء كان اختياري أم إجباري ..
مبروك لتونس
tres interessant
ردحذفTu as raison. Je fais partie de cette minorité tunisoise bourgeoise qui n'a toujours pas copmpris la Tunisie et qui dès le début a été contre-révolutionnaire. Les dernièrs lignes en bleu me décrivent à merveille. Je le reconnais, et je l'ai reconnu dès le premier jour. Mais bon, que veux tu ? Nous avons des privilèges et nous voulons les préserver. Il s'avère que les gens ont voté et ont voulu changer. Le pourront-ils ?
ردحذفVraiment Bravo et ya3tik essaha, je attend toujours avec impatience vos nouveaux articles, moi aussi je voté à ennahdha et j'ai convaincu plusieurs personnes à voter pour elle.
ردحذفmerci pour ces articles encore une fois.
j'aiiiiiiiiiiiiimme
ردحذفj'aime beaucoup bravou ammoun.
ردحذفImen Gharsa
السّلام عليكم و رحمة اللّه
ردحذفعُدت لأرى اجابتك، لكن يبدو أنّ تعليقي لم يقع المصادقة عليه
يبدو أنّك سهوت عنه
و السّلام
@ Al mou7areb : vraiment ? baraka Allahou fik ^^
ردحذف@ anonyme 1 : d'abord merci infiniment pour ta franchise, c'est déjà un pas, ensuite eh bien comme tout le monde faut apprendre de ses erreurs, des privilèges ? tout le monde en veut mais que ce soit de façon juste et légale :)
@ Gemri : je t'en prie, ça fait plaisir ^^
@ Anonyme 2 : merciiii :)
ردحذف@ المعتز بدين الله
و عليكم السلام ورحمة الله وبركاته
أخي هذا أول تعليق يصلني بإمضائك، ليس من عادتي السهو أو رفض التعاليق
أرجو أن تعيد ما قلت وسأجيبك إن شاء الله
مرحبا بكم جميعا
والسلام
السّلام عليكم و رحمة اللّه
ردحذفأرجو أن لا يكون آخر تعليق لي في هذه الدّيار العَطرة
كنت قد قلت لك تقريبا ما معناه الآتي
أردت أن ألفت نظرك كنقطة أولى الى المقطع التّالي :
"النقبة المثقفة جماعة ناري عليك يا تونس ... ناري على فلوسكم الي مشات حرام هههه
إِنَّ الَّذِينَ كَفَرُوا يُنْفِقُونَ أَمْوَالَهُمْ لِيَصُدُّوا عَنْ سَبِيلِ اللَّهِ فَسَيُنْفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ"
و فيه تكفير واضح و صريح لما تسمّينه بال"نقبة المثقفة" (و هي تسمية ذات معنى سلبي مثلها مثل "شعب بهيم")
يتعارض مع قاعدة "مَن كفَّرَ مُسلِماً، فقد كفَر" و قد دلت عليها جملة من النصوص الثابتة الصحيحة، منها قوله -صلى الله عليه وسلم- كما في صحيح مسلم:" إذا كفَّر الرجل أخاه فقد باء بها أحدهما ".
وقال -صلى الله عليه وسلم- :" أيما امرئ قال لأخيه يا كافر فقد باء بها أحدهما إن كان كما قال وإلا رجعت عليه ".
وقال -صلى الله عليه وسلم- :" من دعا رجلاً بالكفر أو قال عدو الله وليس كذلك إلا حار عليه ".
وعن ابن عمر، قال: قال رسول الله -صلى الله عليه وسلم- :" أيما رجل مسلم أكفر رجلاً مسلماً، فإن كان كافراً، وإلا كان هو الكافر"[1].
ومن رواية أبي سعيد الخدري -رضي الله عنه- قال: قال رسول الله -صلى الله عليه وسلم- :" ما أكفر رجلٌ رجلاً إلا باء أحدهما بها: إن كان كافراً وإلا كفر بتكفيره "[2].
وقال -صلى الله عليه وسلم- :" من رمى مؤمناً بكفرٍ فهو كقتله " متفق عليه.
وقال -صلى الله عليه وسلم- :" إذا قال الرجل لأخيه: يا كافر فهو كقتله "[3]. فهو كقتله لما يترتب عليه من تبعات وانتهاك للحرمات.
واعلم أنه لا يقدم على تكفير المسلم إلا واحد من أربعة: مستحل مكذب لحكم الله تعالى، وهازئ لاعب، ومتأول مخطئ، ومجتهد مخطئ.
وأما المتأول المخطئ: كالذي يكفر مسلماً عن شبهة أو تأويل خاطئ، فهذا رغم أنه آثم ـ لأنه قضى عن جهل بغير علم ـ إلا أنه لا يكفر لوجود التأويل المرجوح، وشبهة الاستلال ببعض النصوص التي تمنع من لحوق الوعيد العام بالمعين
كنقطة ثانية، "بهامة" الشّعب التونسي ليست موجّهمة لمن انتخاب للنّهضة (في أغلب المواقف)، برغم انّ فئة منهم انتخبوها على أساس لا عقلاني، و انّما كيف أرجعوا التجمّع المتخفّي تحت غطاء العريضة و أدخلوا للمجلس التّأسيسي عبادا لا تملك حتّى شهادة "السّيزيام" بقيادة الهامشي الحامدي صاحب التّاريخ المعبّق بالمناشدة.ا
https://www.facebook.com/photo.php?v=163010813791678
https://www.facebook.com/photo.php?v=2239808272167
و غيرها من تمجيده لليلى بن علي و اتّاصله ببن علي ايّامات الثّورة
و ثالثا ما ترينه حقيقة مطلقة يراه الآخر "بهامة" (و هو فالأخير مجرّد وصف، قد يكون قاسيا، لكنّه يعبّر عن حالة ما كما قلت في آخر مقالك) و له الحقّ في ذلك و العكس صحيح. لكن التهكّم على الآخر و استعمال العبارات القاسية، ولئن استعملها الآخر، ليست بشئ جيّد و لن تزيد الاّ الطّين بلّة، و قد رأيت موجة الاستياء الّتي اجتاحت سيدي بوزيد على ما يعتبرونه احتقارا لهم. أي بغضّ النّظر عن قائله، فانّ القول مُؤذ.
و السّلام.
السلام عليكم ورحمة الله
ردحذفبارك الله فيك على المداخلة القيمة
من المثير أني كنت أخشى أن يتهمني البعض ممن أصفهم بالنقبة المثقفة بالتكفير بسبب تلك الآية لكن الملامة جائتني عن طريق آخر لم أحسب له حسابا
تلك هي أخلاق لا إله إلا الله
عندما تحدثت عن جماعة ناري عليك يا تونس ومالهم الذي أنفقوه للصد عن سبيل الله تذكرت هذه الآية فأحببت أن أسوقها .. لكني فوجئت بلفظة "الذين كفروا" وخشيت أن يتهمني البعض بتكفير الناس لكني اطمئننت إلى صدق نيتي ووضعت الآية مع حذف آخرها وهو
وَالَّذِينَ كَفَرُواْ إِلَى جَهَنَّمَ يُحْشَرُونَ
علما وأن كثيرا من هؤلاء يؤمنون ببعض الكتاب ويكفرون ببعض ويتطاولون على شرع الله ...
وأما لفظ "بهامة" فقد نُعت بها الشعب لأنه صوت للنهضة وأنا متأكدة مما أقول ثم تطاول البعض على أبناء سيدي بوزيد ونعتوهم بالبهامة لأنهم اختاروا العريضة وفي جميع الأحوال فمقالي هذا كان لفضح هؤلاء وهؤلاء وذلك بأسلوب ساخر وقد حرصت في الأخير على تبيين ذلك للقارئ
أرجو أن تكون الرؤية أوضح الآن شكر الله سعيك والسلام
السّلام عليكم يا أختي الكريمة
ردحذفانّ حذفك لآخر الآية لا يغيّر من معناها المقصود في بقيّتها شيء، و قد يُحسب عليك تكفير غيرك
و أذكّرك بحديث رسولنا الأكرم صلّى الله عليه و سلّم : " إِنَّ اَلرَّجُلَ لَيَتَكَلَّمُ بِالْكَلِمَةِ، لَا يُلْقِي لَهَا بَالاً، يَهْوِي بِهَا فِي اَلنَّارِ، أَبَعْدَ مَا بَيْنَ اَلْمَشْرِقِ وَالْمَغْرِبِ"
و انّ التكفير ليس بهيّن
و أنت لا تعرفين ما تخفيه السّرائر، فلعلّ أحدهم في لحظة خوف يرفع يديه و يدعو ربّه لعند الله خير من صوم شهر
الا من أشهر كُفره، أو كفّره حاكم شرعي (و في ذلك مسألة أخرى)
امّا من ناحية كلمة "بهامة" و الأسلوب العامّ للتدوينة، فانّ السّخرية من الآخر لن تؤدّي الاّ لطريق مسدود و نقاش متوتّر و عقيم، اذ أرى أنّه يجب الترفّع عن هذه الأساليب الّتي لا تزيد الطّين الا بلّة و الرّفع من مستوى النّقاش (لا بأس ببعض من الطّرافة و الفكاهة لكن بدون التّجريح في ذات الطّرف المقابل)
و هذا ليس الاّ رأيا شخصيّا يحتمل الخطأ أكثر من احتماله الصّواب
و بارك الله فيك يا أختي اذ أنّ مدوّنتك تطرح نقاطا مهمّة، لولا تحفّظي في بعض الأحيان على أسلوب الكتابة
و السّلام عليكم
تدوينة ممتازة - شكرا
ردحذفالمعتز بدين الله وابن جومين
ردحذفبارك الله فيكما
ههه تعليق جا امخر اما ميسلش
ردحذفj'ai beaucoup rigolé :p xD
looool et bien tant mieux, after all this drama :p
ردحذف