7/05/2011

بنت بلادي راك حرة



ما نكذبش عليك، المرة هاذي كلامي موجه ليك، و ليك وحدك زاده، كان فما وليد لهنا ماذا بيه يخرج و يسكر الباب وراه، خلينا بنات صافي، خليوني نحكي  لنباصي ... و هاني نحكي بالتونسي بش ما يفهمنا حتى براني...

أختي لبارح ريتك و نعرف وين، لا في شط بحر و لا في الحلفاوين، ريتك في محطة باب سعدون متع الكيران، ريتك و يا ليتني ما ريتك.. شطر ظهرك عريان و (fill in the blanks).... على برة، يا بنتي علا ش راك حرة؟ كون ذكرة )مش ذكرى( علاش التجودير؟ قلة الذوق و التقوعير؟ و سامحني في الكلمة : قلة الحياء زادة. ماو كي باش تعري عري بذوق عالأقل، تحب تلبس لقشة قماش ما تسترش حتى أختك الصغيرة، تحب تلبس كيما باميلا أندرسون و شكيرة؟ باهي للا أما كمل للآخر، ما تاقفليش في شطر الثنية و تخليني ميتة بالحشمة و مكوية، للا غادي أكل اللقشة المحنونة يلبسوها عاللحم، مش هاني عريت ظهري و الماشي و الجاي يتفرج في حمالة صدري، راك خليتلي عقلي في يدي، أول مرة نرى هالمنظر، و لشكون تحرقس يا مرت لعور، لكالأشكال اللي تحوص لا تسيب لا كبيرة لا صغيرة، لا اللي تدبي عالحصيرة. تو عجبك أكل المواطن اللي جا يبزنس فيك؟ سخانة ربي و ريقو البارد زاد على ما بيك ؟ ياكل فيك بعينيه، يضحكلك يمدلك في سنيه، آش يحب عندك شبيه؟

يا بنتي، يا أختي راك غالية، راك باهية، يا تونسية، كون حرة خليك ذكية، ما تخليش الطماعين يشبعوا فيك هكاكة هدية. لكل مقام مقال، حتى لعرى فيه فن و أنواع و أشكال. أما لواش عليك؟ باهي تو كي عريت شطر ظهرك و كالعضام خارجة، وجهك أصفر و كلاتك شمس القايلة و لون السوتيان عرفو اللي ماشي لتبرصق و اللي جاي مالعالية؟ باهية حالتك هكه في وسط أكل الأمة الزرقة؟ اللي صام و اللي فطر، اللي غزرلك و اللي قحر، حتى أنا قحرتلك ما نكذبش عليك، قلت شبيها هاذي هبلت؟ من أنتم؟ و خذيتلك تصويرة تذكارية، نوريها لحفار قبري، بش يتفرج بالمكشوف في الحضارة و الرقي و الرفاهة المنزلية، الرفاهة المنزلية؟ أي تو عندي خمسين سنا ما نصابوتي  في الدين كان بالعراء و الغناء... أوه عليا قداش نخرم، أكهو يزيك، اللي فيك مكفيك، علاش نزيد نفضح فيك، مش لازم تونس الكل تعرف لون ... "عينيك"، يزي ال 200 فرطاس اللي في المحطة و أنت يا ناري ماشي في بالك حاطة الحطة. آه يا فاطمة و إلا بثينة و إلا شسماك ربي، زعمة فما منكم برشة؟ و إلا فك عليا منحبش نسمع، خليني طرشة.

إن شاء الله لا.. نعرف برشة يعريو و بالقوي زادة، رجال تونس الله يكون في عونهم، أما الحق التجوبير متاعك ما ريتو عند حتى وحدة. باهي بركة كثرت عليك، آه حقا بنت بلادي بالله ركح الجو في المترو خليه هادي، راك ساعات تبدى قاعدة و لابسة شوية ديكولتي ماشي في بالك أمورك هانية ماكش ديفازي و ولد بلادك واقف بحذاك يرمي عينو على غرادة، تلقاه عندو نظرة استشرافية تقدمية تخوللو حتى بش يطلع على لون ملابسك الداخلية، راهي حشومية. و لا أنت يللي لابسة سورية قفاليها متعاركين، متباعدين شوية رد بالك و أقرى حسابك.

و أخيرا أختي يا باهية، يللي تستحلى للروب الخفاف و الجوبات في الصيف، هوما صحيح يعملو 66 كيف أما ما عندكش فكرة قداش ترنسبرون، ما تفيقش بيهم كي تشريهم في الحانوت، أما جرب أخرج بيهم في الشمس وإلا آقف بيهم عالأوتوروت، كان ترى روحك كيفاش إلما تندبهم.. ملغير ما نزيد نتكلم و تعرفني مانيش نفلم.

بنت بلادي راك حرة، قداش حبيت ننصحك من مرة، أما ما لقيتش كيفاش نقولهالك، قعدت غصة في قلبي نرا لعوج و نسكت و قلبي يبكي .. رانا بنات و نعرفو بعضنا، نعرفك ما تحبش تخلي روحك للعينين، نعرف فيك بذرة خير حتى كان حاسة روحك ما بين البينين، نعرف حتى كان مش متحجبة تجم تكون خير من 200، حتى المتحجبات للأسف مش مقصرين، ساعات تراهم تقول هذا ربي شقال، هذا هو الدين؟ الضيق و القصير و المشعشع و الكشطة فوق الراس و الصباط أن مود قوموا تصحروا و حالة تبكي، خليك حرة يا أختي الحجاب راهو مسؤولية، و أنت زادة تعز عليا، يا غالية، يا تونسية، صل عالنبي و اسمع اش قال و انس اللي كتب المقال:

ثبت عن النبي صلى الله عليه وسلم أنه قال : " صنفان من أهل النار لم أرهما بعد : رجال معهم سياط كأذناب البقر يضربون بها الناس ، ونساء كاسيات عاريات مائلات مميلات على رؤوسهن كأسنمة البخت المائلة ، لا يدخلن الجنة ولا يجدن ريحها ، وإن ريحها ليوجد من مسيرة كذا وكذا " رواه أحمد ومسلم في الصحيح .

الشرح : 

هذا الحديث فيه إخبار عن صنفين من الناس لم يرهما النبي صلى الله عليه وسلم ، يظهران بعد مضي زمنه صلى الله عليه وسلم ويكون مصيرهما إلى النار لعصيانهما ، وقد عدَّ العلماء ظهورَ هذين الصنفين من أشراط الساعة الصغرى ، وهما :

الصنف الأول : رجال معهم سياط... ، والمراد بهم من يتولى ضرب الناس بغير حق من ظَلَمَة الشُّرَط أو من غيرهم ، سواء كان ذلك بأمر الدولة أو بغير أمر الدولة .

الصنف الثاني : نساء كاسيات عاريات مائلات مميلات على رؤوسهن كأسنمة البخت المائلة .

قال النووي في المراد من ذلك : " أَمَّا ( الْكَاسِيَات العاريات ) فمَعْنَاهُ تَكْشِف شَيْئًا مِنْ بَدَنهَا إِظْهَارًا لِجَمَالِهَا , فَهُنَّ كَاسِيَات عَارِيَات . وقيل : يَلْبَسْنَ ثِيَابًا رِقَاقًا تَصِف مَا تَحْتهَا , كَاسِيَات عَارِيَات فِي الْمَعْنَى . وَأَمَّا ( مَائِلات مُمِيلات ) : فَقِيلَ : زَائِغَات عَنْ طَاعَة اللَّه تَعَالَى , وَمَا يَلْزَمهُنَّ مِنْ حِفْظ الْفُرُوج وَغَيْرهَا , وَمُمِيلَات يُعَلِّمْنَ غَيْرهنَّ مِثْل فِعْلهنَّ , وَقِيلَ : مَائِلَات مُتَبَخْتِرَات فِي مِشْيَتهنَّ , مُمِيلات أَكْتَافهنَّ , وَقِيلَ : مَائِلات إِلَى الرِّجَال مُمِيلات لَهُمْ بِمَا يُبْدِينَ مِنْ زِينَتهنَّ وَغَيْرهَا . وَأَمَّا ( رُءُوسهنَّ كَأَسْنِمَةِ الْبُخْت ) فَمَعْنَاهُ : يُعَظِّمْنَ رُءُوسهنَّ بِالْخُمُرِ وَالْعَمَائِم وَغَيْرهَا مِمَّا يُلَفّ عَلَى الرَّأْس , حَتَّى تُشْبِه أَسْنِمَة الإِبِل الْبُخْت , هَذَا هُوَ الْمَشْهُور فِي تَفْسِيره , قَالَ الْمَازِرِيّ : وَيَجُوز أَنْ يَكُون مَعْنَاهُ يَطْمَحْنَ إِلَى الرِّجَال وَلا يَغْضُضْنَ عَنْهُمْ , وَلا يُنَكِّسْنَ رُءُوسهنَّ .... "

هناك 16 تعليقًا:

  1. برافو
    كلام يكتب بماء الذهب

    ردحذف
  2. j'ai pas compris cette phrase :
    الصباط أن مود قوموا تصحروا
    kifech yatla3 hedha ? :p
    sinon, ya3tik essa7a , et .. Rabbi yehdi :)

    ردحذف
  3. bravvvooooooooooooooooooooooooooo

    ردحذف
  4. tayaraaaaaaaaaaaaaaa, très bien dit, bravo!!!

    ردحذف
  5. bravo prima
    ama rak ma warritnich ettaswira :p
    @lili: sabbat en mode 9oumou tsa7arou, ma3neha talent kima na3ref ena!! :p

    signature: imen binomtek

    ردحذف
  6. @ Freedom voice : woow merci xD

    @ Lili : looooooooool sabbat en mode 9oumou tsa7arou ma3néha sabbat talon ya3mel baaaarcha 7ess, et j'ai vu ça hier au petit matin :p merci :))

    @ anonyme : merciii :)

    @ tayara : merci 'tite soeur :p

    @ binoma : ça y est fasa5tha mel portable :pp chokran 3al moude5la errachi9a :D

    ردحذف
  7. Un coup de gueule madhroub bel saffoud, kif ma na3ref ena :))
    Bravo ma belle, tu sais nous épater b lsenek ettwil, fel 7a99 bien sûr ;)

    Sinon, j'ai remarqué que t'as supprimé le choix "je n'aime pas" de la liste. Je doute que certains n'ont pas pu voter looooool
    Mais comme on s'en fout !! hihihi

    ردحذف
  8. ضاهر فيها قهرتقك باللي عراتو ههههههه
    يا بنتي اتكفل بروحك وشيهمك فاللي عرى واللي غطى، أما إنت إلي تونسية حرة تقطع وتريش أما في مدونة

    ردحذف
  9. شنيّة هل قباحة هاذي؟

    ردحذف
  10. @ Om Maram : lool merci, bon en fait ça a commencé comme un coup de gueule mais je l'ai transformé en coup de coeur, 5atar bel7a9 9albi 3liha bent blédi .. :)

    Hani rajja3tou le bouton "j'aime pas" (c pas visible dans ce message question d'espace mais tu peux le trouver en bas ) je viens de l'enlever en fait car il y a un visiteur qui se fait un malin plaisir à mettre 2 "j'aime pas" à chaque message et à me laisser des commentaires frisant l'irrespect et l'insolence, donc j'ai voulu le contrarier quitte à passer pour une prétentieuse avec un feedback toujours positif :)

    Mais finalement j'ai décidé de l'ignorer, 5allih "y3abbar" :)

    Merci ma chérie pour le passage, ça me fait trop plaisir :)

    @ la n7ebbek la nasbar 3lik : .........

    @ anonyme : ..................... :)

    ردحذف
  11. Tu as complètement raison d'écrire cet article. Bravo !!!

    Malheureusement je dois sortir tous les jours dans la rue et j'en recontre des filles comme ça .

    Je voudrais seulement qu'elles se respectent ne serait ce que vestimentairement .

    Est ce trop demander ?

    ردحذف
  12. اش تحب تعمل هاكم هوما النساء ناقصات عقل و دين, و كي تزيد عليهم الثقافة إلي على قدها يعني تلقا مخها فارغ ما فيه شي, كان الماكياج و مهند و لميس و هاكي شلبست و هاكي شنحات, يعني المسكينة إممهمشى موش عارفى روحها شتحب و شيلزمها تعمل بش تكون ’إين’ , في آخر الأمر عروسة الشوالق الي تحكي عليهانتيجة عادية لمجتمع عايش من غير هوية

    ردحذف
  13. إن أكثر الأشياء التي يجب تجنبها هو
    إحتقار الناس على اساس تقصيرهم في الدين ,
    نصيحتي لـ نفسي ولـك :
    .. لاتحتقر شخص ولو رأيته يعصي الله بأكبر الكبائر ,
    فـ أنت لاتدري من سـ يكون يوم القيامة أقرب
    ......إلى الله انت أم هو …!!

    د/ عائض القرني*

    ردحذف
  14. Je suis désolé, éna tfol w me5rejtech w sakart el beb w kamalt 9rit lel e5er, 5atar bsara7a echay hétha yhemmni ! Ena rit mé a3dham el bera7 fel b7ar .. 3ala marrtin zouz bnet fel b7ar tahbat fi 5imar to5roj fi deux pièces ... Menhom wa7da m3a 5atibha, ey ey 5atibha vu na3rafha bent el 7ouma (Ken 5atibha 3arréha 9oddem ennes, méla chken ya3mel barrani) ... Rabbi yehdi !

    ردحذف
  15. @ aikidoismylife: merci, Allah y3inek, essaie de sortir le minimum possible :p

    @ anonyme : j'aime pas trop cette étiquette de "ne9isatou 3a9l wa din" je suis pas sure que tu en fais le bon usage, mais à part ça on est d'accords :)

    @ yoyo : je suis à 1000% d'accord avec toi, il n'y a auaucn "e7ti9ar" dans mon discours, au contraire j'ai parlé avec le coeur !

    @ Alkhottaf : oullaaa hethi 9aletelhom osktou ! Allah yahdina w yo7sen el 3a9ba !

    ردحذف
  16. surtout el meddaynét, tel9aha talon w serwél bech yettarcha9 tellement ma7zou9 w el foulard malfouf kif el kachta w el maquillage mta3 soirée :( w testkhayel 3amla afar kbir, lébsa chemise tousel el nos fkhadhha !!! wala eli yelbsou les robes w caleçon w houma met7ajjbét !! ayyyy rassi

    ردحذف

Cher journal

Cher journal En ce temps de sécheresse artistique et d'absence de vrais tourments et de réels "problématiques" dans ...